நடிகர் விஜய் விஷ்வா-வின் வி.வி. என்டர்டெயின்மென்ட்ஸ் நிறுவனம் கடந்த ஆண்டு முதல் பல்வேறு துறைகளில் திறமை மற்றும் சாதனை புரிந்தவர்களை கண்டறிந்து ஊக்குவிக்கும் நோக்கில் விருது வழங்கும் விழாக்களை நடத்தி வருகிறது.
மதுரை, சென்னை, விருதுநகர் ஆகிய இடங்களில் வெற்றிகரமாக நிகழ்வுகளை நடத்திய பிறகு, இந்நிறுவனம் இம்முறை இலங்கையில் தனது முதல் சர்வதேச விருது வழங்கும் விழாவை சிறப்பாக நடத்தியது.
அதனைத் தொடர்ந்து, வி.வி. என்டர்டெயின்மென்ட்ஸ் நிறுவனம் புதிய முயற்சியாக “Utsav Mela – 2025” என்ற பெயரில் அமெரிக்காவின் Dallas நகரில் நடைபெற்ற கலாச்சார விழாவில் குழந்தைகள் முதல் பெரியவர்கள் வரை அனைவரும் பங்கேற்கும் போட்டிகளை ஏற்பாடு செய்தது.
சமையல் போட்டி (No Boil – No Oil) குழந்தைகள் (8–15) மற்றும் பெரியவர்கள் (16 மற்றும் அதற்கு மேல்) பிரிவுகளில் நடத்தப்பட்டது.
மேலும், Talent Show எனும் நிகழ்வில் பாடல், நடனம், இசைக்கருவி மற்றும் கல்வி சார்ந்த பல்வேறு போட்டிகள் நடைபெற்றன.
அதேபோல், Fashion Show போட்டியும் சிறப்பாக நடைபெற்றது. இதில் நடுவர்களாக இந்தியாவில் இருந்து நடிகர் விஜய் விஷ்வா, அமெரிக்காவிலிருந்து Mrsஸ்ரீதேவி, Ms வேதா Mrsஜனனி ஆகியோர் நடுவர்களாக பங்கேற்று சிறப்பித்தனர்.
இவர்கள் வாஷிங்டனில் நடிகர் திரு நெப்போலியன் அவர்களை சந்தித்து வாழ்த்துக்களை பெற்றனர்.
இந்தியாவின் தமிழ், தெலுங்கு, மலையாளம், கன்னடம் ஆகிய மொழி துறைகளில் சாதித்த பல்வேறு கலைஞர்களுக்கு Lifetime Achievement Award வழங்கப்பட்டது.
மேலும், திரு. பால் பாண்டி அவர்கள் திரு. கால்ட்வெல்நம்பி அவர்களுக்கு தமிழுக்கு ஆற்றிய பணிக்காக ‘தமிழன் ரத்னா’ விருது வழங்கினார்.
பெண்களின் சாதனைகளை கௌரவிக்கும் விதமாக Global Women Icon Awards, தொழில் முனைவோரை பாராட்டும் International Business Icon Awards, தனது இலக்கை நோக்கி பயணிக்கும் திறமையாளர்களுக்கான Future Icon Awards, மற்றும் சமூகத்திற்கு சேவை ஆற்றியவர்களுக்கான JFC Social Service Awards ஆகியனவும் வழங்கப்பட்டன.
இவ்விழாவை தொடர்ந்து VV Entertainments வழங்கிய “India’s Vibe” என்ற சிறப்பு நிகழ்ச்சி நடைபெற்றது. இதில் 30 டால் கலைஞர்கள், 20 செண்டை மேளக் கலைஞர்கள் மற்றும் 30-க்கும் மேற்பட்ட #தாளம் பறையாட்டக் கலைஞர்கள் கலந்து கொண்டு புதிய பாணியிலான மியூசிக்கல் வைபை நிகழ்த்தினர். மக்கள் பெருமளவில் கலந்துகொண்டு மகிழ்ந்தனர். DJ Chuck வழங்கிய நிகழ்ச்சியும் பெரும் வரவேற்பைப் பெற்றது.
டிமான்டி காலனி 2, ரெட்டதல திரைப்படத்தின் தயாரிப்பாளரும் BTG Universal நிறுவனத்தின் தலைவர் ஆன திரு. பாபி பாலச்சந்திரன் அவர்கள் இவ்விழாவில் தலைமை விருந்தினராக பங்கேற்றார் என்பது குறிப்பிடத்தக்கது.
திரு. விமல் அவர்கள் சிறப்பு விருந்தினராக பங்கேற்றார்.
இந்நிகழ்வுக்கான முழுமையான ஏற்பாடுகளை வி.வி. என்டர்டெயின்மென்ட்ஸ் நிறுவனத்துடன் இணைந்து SSS Entertainments நிறுவனத்தின் தலைவர் சக்தி நவராதித்தன், திருமதி வளர்மதி, மற்றும் கிருஷ்ணா ஆகியோர் சிறப்பாக மேற்கொண்டனர்.
இதனை தொடர்ந்து சிகாகோவில் நடைபெற்ற தமிழ்சங்க நிகழ்வில் தலைமை விருந்தினராக விஜய் விஷ்வா கலந்து கொண்டார்
